2012-mi sullivinni avatangiisigissaarnerpaatut toqqaasoqarpoq

Kalaallit Nunaanni suliffigissaaneq pillugu siunnersuisoqatigiit unammisitsineq ”2012-mi sullivinni avatangiisigissaarnerpaaq” ingerlappaat sullivimmi tarnikkut atukkat sammineqarnerunissaat kissaatigineqarmat, sullivimmi avatangiisigissaarneq sulisunut, sullivimmut inuiaqatigiinnullu pitsaasumik kinguneqartitsisarmat. Martsip qaammataani peqataanissamut nalunaarnissaq killeqartinneqarpoq, siunnersuisoqatigiillu peqataasut arfineq pingasut akornanni ajugaasoq toqqarpaat (10. april 2012). Aamma takuuk      

2011 - Ukiumoortumik nalunaarut

Kalaallit Nunaanni Suliffigissaasoqarnerup siunertaraa sullivinni isumannaatsunik peqqinnartunillu avatangiisinik pilersitsinermi illuatungeriit, sulisartut sulisitsisullu sunniuteqaqataanissaannik periarfississallugit. 2011-mi taaguut "Suliffigissaasut" allanngorpoq ima "Suliffigissaaneq pillugu siunnersuisoqatigiit", taaguut Atatsimiitsititaliap atuuffiinut qallunaatullu taaguutaanut nassuiaasunngortillugu (2. april 2012). Aamma takuuk   

Uippakajaarneq (Stress) aamma atugarissaarneq pillugit atortussat nutaat

Februar-ip aallartinnerani Kalaallit Nunaanni Suliffigissaasut Videnscenter for Arbejdsmiljø suleqatigalugu quppersakkamik 8-nik quppernilimmik uippakajaarneq aamma atugarissarneq pillugit paasissutissiisumik kiisalu tajaq nittartakkamut www.ilorraallak.gl –mut nittarsaassisoq, nunatsinni suliffeqarfinnut tamanut allakkerivikkut agguaassipput.

Quppersagaq uani aasinnaavat. Qallunaatooq aamma uani.

Illit suliffeqarfiilluunniit (kalaallisut allannilinnik) atortussanik amerlanerusunik atorfissaqartitsissaguit/ppat, taava uunnga allassinnaavutit at@at.gl imaluunniit uunga sianerlutit 342590. Malugiuk qallunaatuunik piniaruit/si uani piniarneqassammata Videncenter for Arbejdsmiljø (6.februar 2012).